من مثلك بالكون تخلد...ياحســــــــــــين ..

من مثلك بالكون تخلد....يا حسين
وعصور تمضي وتجدد....يا حسين
فلك يدور
مع الدهور
يشع نور
الحســـــــــــــــــــــــين
&&&
من كبل جدك محمد ومثله حيدر لن يشارك
خاضوا اثمانين غزوه واعتنوا سوح المعارك
ثبتوا اشرف عقيده شافوا اخطار ومهالك
موقف الاباء نثمنه بالبصاير والمدارك
وانته ذيج الفتره حاضر متابع الادوار سالك
واعلنت ساعة نهوضك دافعت عن المناسك
تمشي للموت بشجاعه واعتلت صدرك سنابك
ثبتت فرض الجهاد وربك بدمك يبارك
في الطف دمائك ذا سالت....يا حسين
والخيل على جسمك جالت....يا حسين
ياتي الصدى
من نينوى
رفع اللوى
الحســـــــــــــــــــــــين
&&&
عالمك يحسين جذبني عالم اسرار وعجايب
كومك واهلك خذتهم متجه صوب الحرايب
ثله ما واحد مثلهم ثبتوا اكبال الكتايب
رايد اتوضح مسارك بالصمود وبالمراتب
واعتله صوتك يدوي ما تهاب من العواقب
دون التاريخ اسمك وابتده يصوغ المناقب
سطرت بيه الملاحم ثوره مليانه غرايب
وحدك اكبال الالوف ثاير وللحك تطالب
من هد قلاع الطغيان....يا حسين
من ذا يخترق الازمان....يا حسين
سر دفين
طي السنين
في كل حين
الحســــــــــــــــــــــــين
&&&
ضحت انصارك واخوتك كلمن بدمه تعفـــــــر
موهنت عللي جرالك الاكبر اكبالك توذر
عالثرى العباس طايح مكطعه اجفوفه وتكنطر
وانذبح عبد الله بيدك من وريده الدم تكطر
وحدك اتصارع ظلمهم والجيوش اعليك تكثر
عن ظهر مهرك هويت منك الايات تظهر
خولي للمصرع اجالك يرتجف سيفه وتقهقر
وامتله صدرك سهام ومنك الفرسان تحذر
كالطود شموخك لن يكسر....يا حسين
وحدك تهزم ذاك العسكر....يا حسين
يعلو النداء
درب الفداء
صرح الاباء
الحســــــــــــــــــــــــين
&&&
مرت احقاب وقرون عن زمانك ابتعدنه
اندثرت اثار ال اميه ولنه باقي معتقدنه
اشكد بني العباس ظلموا اشكد طغات اللي تضدنه
زمرة التكفير غزونه وباسم الارهاب انذبحنه
رادوا ايهدمون كبرك وينمحي اسمك واسمنه
وهذا طغيان اليهود مخيم ورايد يذلنــــــــــــه
لكن بعزمك نقاوم ما نهاب اللي ظلمنه
بدمك احييت الشريعه الهل سبب ليك انجذبنه
من وهج درب الاحرار.... يا حسين
يومك يبقى كالاعصار....يا حسين
نحر خضيب
جسم سليب
وذا عجيب
الحســــــــــــــــــــــــين
؟

بكل الود..

اشكـــــــــــــركِـ

\

/

\

تــ ح ــــياتي

العفو غاليتي ..
اشكرك على المرور
دمتي بود

مشكوووووووره

العفو غاليتيـ
دمتي بود

اشكرك غاليتي

من اعماق قلبي